कर्णालीका १०१ पर्यटकीय गन्तव्यको घोषणा

२६ अषाढ २०७६
banner

काठमाडौँ । प्रदेश सरकारको उद्योग, पर्यटन, वन तथा वातावरण मन्त्रालयले कर्णालीका १०१ पर्यटकीय गन्तव्यको घोषणा गरेको छ। स्थानीय तह र सम्बन्धित क्षेत्रका प्रदेशसभा सदस्यको सिफारिशका आधारमा मन्त्रालयले पर्यटकीय गन्तव्य घोषणा गरेको हो।

मन्त्रालयले प्रदेशका ७९ र सङ्घीय सरकारले घोषणा गरेका १७ गरी १०१ गन्तव्यको पूर्वाधार विकासका साथै प्रर्वद्धनात्मक क्रियाकलापमा जोड दिएको छ। मन्त्री नन्दसिं बुढाले आर्थिक वर्ष २०७६/७७ मा महत्वपूर्ण ३८ गन्तव्यमात्र पूर्वाधार विकासमा बजेट विनियोजन गरेको जानकारी दिए।

“प्रदेश पर्यटन बोर्डको गठनपश्चात् नयाँ पर्यटकीय गन्तव्यको गुरुयोजना बनाएर बजेट परिचालन गर्नेछौँ”, मन्त्री बुढाले भन्नुभयो, “सीमित बजेटका कारण सबै गन्तव्य क्षेत्रमा बजेट विनियोजन गर्न सकिएन, आगामी वर्षहरुमा क्रमशः बजेट विनियोजन गरिनेछ।”

मन्त्रालयले चालू आवमा सञ्चालन गरेको हुम्ला, मुुगु र डोल्पाका ज्येष्ठ नागरिक तथा पूर्ण अपाङ्गता भएका व्यक्तिलाई हवाई टिकटमा सहुलियत अनुदान दिने कार्यक्रमलाई पनि निरन्तरता दिएको छ। आव २०७६/७७ मा मन्त्रालयको कूल बजेट रु दुई अर्ब ४५ करोड छ लाख ७८ हजार रहेको छ।

ताजा भिडियो

सी जिङफिङको नेपाल भ्रमण : सोल्टी होटल र शीत्तल निवासमा जे देखियो...| Xi Jingping Nepal Visit |

नेपाली सडकमा चिनिँया राष्ट्रपति | Xi Jinping in Nepal |

पोखरा फेवातालः कस्तो चित्र उतार्दैछन् पर्यटक ? Fewa Lake Pokhara

प्रधानमन्त्री ओलीले दिसामुक्त देश घोषणा गर्दै गर्दा जे देखियो । PM KP Oli l Nepal l ODF nation