शुभकामना २०७६ सालको (कविता)

२३ बैशाख २०७६
banner

-लालहादुर खत्री

फाटेर तुवाँलो सारा आकाश खुल्नु पर्नेमा
जन्मेको जन्म भूमिमा रमाइ भुल्नु पर्नेमा
स्वदेशै  पसिना पोखी पौरख फुल्नु पर्नेमा
नेपाली भावना सारा, रक्तमा घुल्नु पर्नेमा ।१।

बसेर परका देश घरका कन कष्ट छ
परका कन पालेर परका कन कष्ट छ
भन्दा हुन् सबले आमा बिर्सेर लुकी मस्त छ
बगाइ गोहीका आँशु एकान्त ढुकी बस्तछ।२।

बसाइ पराइ काख चुडाइ कलेजा मुटू
‘नेपाल बनाउँ’ भन्ने हरुका  साथमा जुटू
‘नेपाल उठाउँ’ भन्ने बथान साथ  नछुटू
जननी जन्मभूमिको झन्कार  साथ नटुटू।३।

आउँदो वर्ष नौलोमा फुटेर सिर्जना मूल
आमाका हातमा सुम्पी पसिना मोतीका फूल
भेटिउन् चन्द्र औ सुर्य अङ्कित झण्डाका हुल
मेटिउन्  मनका दर्द पुराना जडता शुल ।४।
‘नेपाल बनाउँ’ भन्ने सपना पूर्ण भैदिए
‘नेपाल फुटाउँ’ भन्ने कामना चूर्ण भैदिए
शुभका कामना आज नेपाली मन रैदिए
शान्तिको भूमिमा बुद्ध रुने ती पल गैदिए ।५।

बोकेर सुख सौगात सबका घरमा पुग
फेरिदो अनुहारको सुनौलो बनाउ युग
‘नेपाल देश छ’ भन्ने शङ्ख र बिगुल फुक
‘नेपाल बनाउ नौलो, ल्याएर समृद्धि सुख।

ताजा भिडियो

Kalanki-Nagdhunga Road l ट्रेलर । Trailer l

विद्यार्थिहरुको आकर्षणको केन्द्र बन्दै समृद्धि कलेज |Samriddhi College |

प्रधानमन्त्री ओलीको भाषण चल्दै गर्दा टुडिखेलको गेट बाहिर हामीले जे देख्यौं..। National Day l Nepal l

बाेलेकै बुझिएन...देउवालाई राष्ट्रपति भण्डारीकाे कडा व्यंग्य | Sher Bahadur Deuba |