सञ्चारकर्मी गीताले ल्याइन् ‘तीजैमा ब्रत बसी’ [भिडियो]

६ श्रावण २०७६
banner

काठमाडौं । गतवर्षको तीजमा ‘यतै घमाइलो उतै घमाइलो...’बोलको सन्देश मुलक तीज गीत लिएर आएकी सञ्चारकर्मी गीता अधिकारीले यसवर्ष ‘तीजैमा ब्रत बसी...’बोलको गीत ल्याएकी छन् । 

मिलापको प्रस्तुतिमा गीता अधिकारीको शब्द रहेको गीतको भिडियो राजधानीमा एक कार्यक्रमकाबीच सार्वजनिक गरिएको हो ।

नायिका तथा गायिका सारिका घिमिरेको स्वरमा र नायिका पूजना प्रधान, सारिका र गीता लगायतका कलाकारको अभिनय रहेको तीज गीत ‘तीजैमा ब्रत बसी...’को भिडियोलाई गीताकी आमा यमकुमारी अधिकारीको प्रमुख आतिथ्यता र नेपाली पहिलो रङ्गीन चलचित्र आमाकी अभिनेत्री चैत्यदेवी, किर्तिमानी गीतकार डा. डीआर उपाध्याय, बरिष्ठ कलाकार लय संग्रौला, उत्तम केसी, गीताकार तथा सञ्चारकर्मी शान्तिप्रिय, गायक सिताराम पोखरेल, सङ्गीतकार राजु सिंह, गीतकार संघका महासचिव वसन्त वित्यासी थापा लगायतको आतिथ्यतामा सार्वजनिक गरिएको थियो ।

गीत सार्वजनिक कार्यक्रममा शुभकामना दिँदै अतिथिहरुले गीत मौलिक रहेको र गीतको भिडियो पनि उत्कृष्ट रहेको बताएका थिए ।
नारायण रिजालले निर्देशन गरेको गीतको भिडियोमा योगेश काजीको लय संकलन तथा एरेन्ज, एचवीन किस्मतको अडियो मिक्सिङ रहेको छ । गीतको भिडियोलाई वीरेन्द्र भाट ‘विपिन’ले छायाँकन गरेका हुन् । रामसिंह भाटको उपसम्पादन रहेको भिडियोमा सञ्जु ढकालको श्रृङ्गार रहेको छ ।

‘हामीले गत वर्ष सन्देश मुलक तीज गीत स्रोता/दर्शकमाझ पस्केका थियौं, यसपालीको तीजमा दुःख पीडा भुलेर खुलेर नाचौं भन्ने खालको तीज गीत लिएर आएकी छु, सबैले मनपराई दिनुहुन्छ भन्ने आशावादी छु’– गीताले भनिन् ।

‘एउटा राम्रो तीज गीत पस्किने हाम्रो कोशिस रहेको छ, म यसमा खुलेर नृत्य गरेकी छु, पक्कै पनि सबैले मन पराइदिनुहुन्छ भन्ने लाग्छ’– नायिका पूजनाले भनिन् ।

‘गतवर्ष भन्दा अलिक फरक खालको गीत लिएर आएका छौ’ भन्दै गायिका सारिका घिमिरेले यो तीज गीत छम छम नाच्ने खालको बनेको बताइन ।
‘तीजका गीत प्रायः सबै उस्तै उस्तै नै हुन्छन् हामीले अझ राम्रो बनाउने प्रयास गरेका छौ,’ –निर्देशक नारायण रिजालले भने । ड्रेस शिव कैलास कला मन्दिरको रहेको गीतलाई वल्र्ड कभर मिडियाले पोष्ट प्रोडक्सन गरेको हो । गीत ओएसआर डिजिटलको युट्युव च्यानलबाट आएको छ ।

ताजा भिडियो

गृहमन्त्रीको जवाफ चित्त नबुझेपछि प्रतिपक्षी सांसदले गरे संसद बैठक नै अबरुद्ध ।

बाँके घटनाका विषयमा सांसद र गृहमन्त्रीबीच सवाल जवाफ । Samsad Baithak |

फितलो ब्यवस्थापनले सन्नीलाई हलसम्म पुग्न सकस । Sunny Leone | Nepali Movie Passport |

ब्रिटिस मान्यताको डिग्री नेपालकै कलेजबाट (कलेज परिचयसहित) | ISMT College|